Partia Demokristiane në zgjedhjet e 25 prillit kandidoi në koalicion me PD. Por cilën nga 2 kandidaturat e opozitës, atë të Bashës apo Berishës do mbështesë në 6 mars (zgjedhjet e pjesshme vendore)?
Në lidhje të drejtpërdrejtë me Ora News, kreu i kësaj partie Nard Ndoka u shpreh se Basha nuk ekziston.
Ndoka: Basha nuk ekziston fare si faktor politik për Partinë Demokristiane. U tregua një lider i pabesë dhe tinëzar në raport me respektin institucional të Partisë Demokristiane dhe e shkeli marrëveshjen politike të cilën kishim firmosur së bashku. Në këtë sens Basha është një politikan “non grata” i padëshiruar nga Partia Demokristiane dhe çdo produkt që del prej tij ka të njëjtin fat si Lulzim Basha. Padyshim që mbështetja jonë do të jetë për Grupin e Rithemelimit.
Ndoka u shpreh se Basha është thjesht një deputet dhe është i shkarkuar në bazë të Kushtetutës Politike që PD e ka të regjistruar në Gjykatë. Ai u shpreh optimist se edhe Gjykata do shkojë drejt një vendimi të drejtë.
Ndoka: Unë dhe Partia Demokristiane e shohim Grupin e Rithemelimit si grupin e ligjshëm të PD-së në bazë të statutit të asaj partie. Ish-deputeti Basha nuk ka as të drejtën morale dhe politike as për të bërë negociata.
Ndoka u shpreh më tej se është turp ta mbështesësh Lulzim Bashën.
