I ftuar në SYRI TV, anëtari i Komisionit të Rithemelimit dhe ish-deputeti i PD-së Klevis Balliu, ka folur për primaret që do zhvillohen nesër në 6 bashki për përzgjedhjen e kandidatëve, të cilët do të garojnë në zgjedhjet lokale të pjesshme në 6 mars.
Balliu theksoi se ky është një moment i rëndësishëm pasi kemi kohë që flasim për kapjen e shtetit dhe për problemet e hallet e qytetarëve.
Ndoci: Sa i rëndësishëm është ky proces në këto kushte që jemi?
Balliu: Ky është një moment tejet i rëndësishëm për të gjithë qytetetarët, ëshytë një moment i rëndësishëm pasi kemi kohë që flasim për kapjen e shtetit dhe për problemet e hallet e qytetarëve dhe të flasësh është një gjë, të denoncosh është një gjë, por të veprosh është një gjë komplet tjetër. Në këto zgjedhje jemi në momentin veprimit nga një lëvizje që ka kohë që ka nisur dhe që bazohet në vlera demokratike dhe në parime të lirisë, në parime të cilat PD-ja ka lindur. Këto zgjedhje do ndajnë shapin nga sheqeri. Këtu vendoset nëse do jemi në krah të qyetetarëve në krah të atyre që kërkojnë një përballje të vërtetë frontale me krimin e organizuar me bandat dhe me vjedhjet e qeverisë së Ramës, apo do të mbetemi në zhargonin e përditshëm të qeverisë së Ramës.
Rasti konkret në Lushnje, qytetet që njihet për butësinë e tij, për buqësinë, si qytetarë të punës, por sot ata kanë rënë në nën hije, pasi kur flet për Lushnjen sot, të kujtohet vetëm vjedhje, SPAK-u, burgu, bandat dhe këtë gjë këtë krim atij qyteti ja ka bërë qeveria e Ramës, me bashkinë të cilën e inkriminoi me figura që nuk kishin lidhje me qytetarët apo me projektet për bujqësinën por kishin lidhje vetëm me banda, me vjedhjen me krimin. Dhe sot na jepet mundësia për ti shëptuar ata qytetarë dhe për tju dhënë një alternativë me figura të pastra dhe që i njeh hallet e qytetarëve.
