Kishte braktisur garat e automobilizmit për t’u bërë një emër i njohur në faqen me pagesë ”OnlyFans” dhe për të xhiruar film porno. Por bukuroshja Rene Grejsi duket se ka vendosur që të kthehet përsëri te dashuria e vjetër.
Edhe pse karriera e saj e re ka qenë e shkëlqyer dhe raportohet se deri tani ka fituar deri në 6 milionë dollarë falë postimeve që bën në faqen me pagesë për ndjekësit e shumtë, 27-vjeçarja ka deklaruar se është gati të kthehet përsëri në pistë.
Australianes iu ndalua ta bënte një gjë të tillë në vendlindjen e saj garat e V8 Supercars, pasi u mësua se kishte hapur këtë llogari në “Only Fans”, ndaj ajo do të shkojë në SHBA për të tentuar kthimin në pistë.
“Pas disa kërkimesh, mendoj se ka më shumë mundësi në SHBA, shumë më tepër kategori garash dhe gjëra për të cilat njerëzit entuziazmohen. Ndaj kjo mundësi më entuziazmon edhe mua”, deklaroi ajo, duke bërë të qartë se po bëhet gati të kthehet përsëri në pistë, duke i dhënë ndoshta shumë më tepër famë çdo garë ku do të marrë pjesë.
