Eshli Barti është “mbretëresha” e re e Australian Open. Tenistja vendase dhe numri 1 i botës fitoi finalen e madhe 2-0 kundër Daniel Kolins, duke fituar Grand Slemin e tretë në karrierën e saj të sukseseve, pas Roland Garro në vitin 2019 dhe Wimbledon vitin e shkuar.
25-vjeçarja dominoi totalisht mbi rivalen, duke mos i lënë asnjë mundësi amerikanes për të hyrë në lojën e saj dhe për të tentuar titullin. Barti nuk gaboi dhe mbyll 6-3, 7-6 dhe gjithë përballjen 2-0, duke triumfuar për herë të parë në karrierë në turneun e shtëpisë.
Ndërkaq, amerikania mund të ngushëllohet me faktin se do të jetë pjesë e Top 10 të renditjes së WTA, duke u katapultuar ndjeshëm në klasifikimin e përgjithshëm.
