Fjalimi i fundit i Papa Françeskut, i cili iu bëri thirrje prindërve të mos i dënojnë fëmijët me orientim homoseksual, u diskutua në “Ftesë në 5”. Kjo temë u komentua me deklarata të forta dhe tone të lartë nga të ftuarit, nga ku nuk mungoi dhe një përplasje mes vetë dy pjesëtarëve të komunitetit LGBT.
Ish-konkurrenti i “Për’puthen”, Graciano Merko “u kap” me Xheni Karaj, pasi sipas tij nuk është normale në sytë e Zotit të kesh këtë orientim seksual. Më tej ai shtoi se nuk do të donte kurrë që fëmijët e tij të kishin orientim seksual si ai vetë.
“S’dua të paragjykoj, por s’është normale në sytë e Zotit. S’e njeh as bibla e as kurani. Prindërit e mi më kanë pranuar, por s’janë të lumtur dhe unë kurrë s’iu çoja një partner burrë në shtëpi”, sqaroi ai.
