Një 24-vjeçare dhe një 35-vjeçar janë arrestuar nga policia e Tiranës, që ka gjetur pas një kontrolli.
Burime zyrtare njoftuan këtë të Premte se, “specialistët për Hetimin e Narkotikëve bënë arrestimin në flagrancë të shtetasve: F.L., 35 vjeç, për veprat penale ‘Mbajtja pa të drejtë e uniformës’ dhe ‘Moskallëzimi i krimit’; G.T., 24 vjeçe, për veprën penale “Prodhimi dhe shitja e narkotikëve’”.
“Ata janë konstatuar nga shërbimet e Policisë, në rrugën ‘Ali Demi’, dhe gjatë kontrollit në mjetin që drejtonte shtetasja G.T., është gjetur dhe sekuestruar një sasi lënde narkotike e llojit kokainë, ndërsa shtetasi F.L. është prezantuar si punonjës policie, duke paraqitur një portofol me stemën e Policisë”, shtuan të njëjtat burime.
Gjithashtu, nga specialistët për Hetimin e Narkotikëve u procedua penalisht shtetasja I.T., pasagjere në mjet, për veprën penale “Moskallëzimi i krimit”.
