Kryebashkiaku i Tiranës, Erion Veliaj, nuk u paraqit sot në një dëgjesë në Komisionin e Ligjeve, lidhur me shembjen e banesave në zonën e “5 Majit” gjë që solli edhe reagimin e deputetëve të opozitës.
Një prej ligjvënësve që reagoi, madje duke përdorur edhe batuta, ishte Saimir Korreshi.
Referuar edhe një audio-je të publikuar në ditët e fundit, Korreshi tha se nëse kryetari i Bashkisë së Tiranës ka vërtetë “b*** prej hekuri dhe jo prej fiku”, atëherë duhet të vinte në Komision.
Në mbledhje ishin dhe banorët e 5 Majit, mirëpo kryetari i Bashkisë Tiranë , Erion Veliaj , ka zgjedhur të mos jtë i pranishëm por është mjaftuar vetëm me një shkresë.
“Kam një pyetje për kryetarin e Bashkisë, nëse do prishej shtëpia e tij a do të ishte këtu? Nëse i ka prej hekuri dhe jo prej fiku atëherë të vijë këtu”, tha Korreshi.
