Nga godina e Kuvendit, te Bashkia e Tiranës, banorët e Laprakës dhe ato të 5 Majit kanë protestuar, kundër shembjes së banesave të tyre.
Banorët i kanë bërë thirrje Erion Veliajt të heqë dorë nga planet që godasin qytetarët. “Erion mos guxo të sjellësh policinë dhe fadromat, do të marrësh reagimin më të fortë, që kurrë se ke menduar”, ishin disa nga mesazhet që banorët i kanë drejtuar Erion Veliajt, ndërsa disa punonjës policie, kishin rrethuar godinën e Bashkisë.
Banorët i kanë bërë thirrje Erion Veliajt që të mos fshihet, që të dalë dhe të takohet me banorët, të sqarohet me ta.
