Është mbyllur në barazim 1-1 pjesa e parë mes Dinamos dhe Partizanit e vlefshme për Kupën e Shqipërisë.
Të parët që kaluan në avantazh ishin të kuqtë. Cara gjen rrugën e rrjetës në minutën e 26-të, pas një pasigurie të Simonit, i cili nuk kontrolloi siç duhej një gjuajtje të Herald Markut nga distanca e konsiderueshme, përfiton aty Cara që kalon në avantazh “demat e kuq”.
“Blutë” rikthyen baraspeshën në fundin e pjesës së parë me anë të Ibrahimit. Kapiteni nuk fal nga 11-metra, duke e dërguar topin në cepin e portës së mbrojtur nga Alban Hoxha.
