Ish-kryeministri Sali Berisha deklaroi këtë të Enjte për gazetarët jashtë Kuvendit se përfaqësuesit e Lulzim Bashës përfitojnë nga projekti që parashikohet aty ku u shembën banesat e banorëve të “5 Majit” në kryeqytet.
Berisha tha se shembjet janë të paligjshme, ndërsa u bëri apel qytetarëve të Tiranës të solidarizohen me banorët e 5 Majit.
“Unë personalisht mbështes zhvillimin e qytetit, projektet të cilat e bëjnë këtë qytet më të bukur, më të jetueshëm, por kurrë barbarë ndaj qytetarëve të tij. Nëse ti vendos për shkak të planeve për të prishur shtëpitë e tjetëve, mund ta bësh këtë, ka një detyrim moral të ulesh me ta. Duhet t’ja shpjegosh planin, projektin, duhet të përcaktosh kushtet dhe të dëgjosh kushtet që kërkojnë ata. Qoftë zhvillues shtetëror apo privat je i detyruar të veprosh në këtë mënyrë. Gjithçka veprohet duke i dhënë ligjit fuqi prapavepruese, deri në 2014 ligji parashikonte legalizim pastaj urbanizim, të gjitha këto banesa janë ndërtuar para 2014 në përputhje me këtë ligj, legalizim pastaj urbanizim. Por kjo nuk ndodh se urrejtja ndaj atyre që i ke vjedhur dhe mbi vjedhjet ndaj tyre ke ndërtuar parajsën e lumturinë janë karakteristika të pushtetit kleptokratik”, tha Berisha.
“Në pallate janë dhe përfaqësuesit e Lul Bravës, pikërisht se ndodh kjo ndaj qytetarëve merren përsipër të sillen në mënyrë shtazore”, shtoi ai.
Lexo edhe:
Zgjedhjet/ Berisha: Kam gjetur mekanizmin për të fituar më 6 Mars
