Deputeti Saimir Korreshi u shpreh sot se nuk ka fare problem të përshëndetet e ish-Kryeministrin Sali Berisha.
“Çfarë duhet të bëj unë, të shoh z. Berisha dhe të bëj sikur nuk e njoh? Kjo nuk më duket fare normale, çfarë muhabeti është ky? Unë se çaj kokën fare, pasi më duket budallik që të mos i flas kolegëve deputetë, me të cilët pak muaj më parë edhe kemi pirë kafe”, tha Korreshi.
Reagimi i deputetit të Lushnjes, i cili gjithashtu drejton degën e PD në këtë qytet ka ardhur në një kohë kur sot shumica e deputetëve të PD, që kanë qëndruar neutralë apo janë shfaqur në krah të Lulzim Bashës, kanë shmangur kontaktet me ish-Kryeministrin Sali Berisha, i cili iu rikthye sallës së Kuvendit pas 4 muajsh, kohë që e shfrytëzoi për takime me bazën e PD dhe demokratët në kuadrin e asaj që u pagëzua si Foltorja.
