Gjakmarrja duket se do jetë bashkëudhëtare e gjatë për shqiptarët.
“Jam betuar në gjakun e vëllait, nëse nuk vepron gjykata, vjen Kanuni!”
Kështu është shprehur Labinot Mekaj nga Peja, i cili ishte dëshmitar i vrasjes së vëllait të tij.
Plagët e marra nga goditja me thikë, ishin fatale për 26 vjeçarin Elvis Mekaj nga Peja. Por sipas familjarëve ende ende nuk është vendosur drejtësi.
“Vëllai i ndjerë ka ardh e ka lënë kerrin dhe ky si me besim i ka thënë hajde, hajde.. Dhe vëllai ka besuar e ka shkuar dhe e kanë qëlluar direkt me thikë, thotë Labinot Mekaj.
Kjo nuk ishte hera e parë që Elvisi kishte telashe me 24 vjeçarin Kushtrim Selimin, pasi edhe dy herë të tjera ky e kishte plagosur me thikë viktimën.
Personi i dyshuar nuk është emër i panjohur për organet e rendit, pasi ka edhe vepra të tjera.
Për të dyshuarin gjykata ka dhënë masën e paraburgimit për 30 ditë. Hetimet vazhdojnë.
