Lulzim Basha ka zgjedhur Roland Bejko si drejtues politik të qarkut të Gjirokastrës.
Lajmi është bërë i ditur nga Gazment Bardhi.
“Të nderuar Kryetarë,
Në mbështetje të nenit 33 të Statutit të Partisë, ju informoj se Kryetari i Partisë ka caktuar si Drejtues Politik të qarkut Gjirokastër, anëtarin e Kryesisë së PDSH z. Roland Bejko.
Në këtë mënyrë z. Bejko do të jetë edhe Kryetar i Këshillit Koordinues të Qarkut, që është struktura e përhershme me përgjegjësi në organizimin elektoral dhe aksionet e veprimtaritë politike të PDSH në nivel qarku”, thuhet në njoftimin e Bardhit, dërguar strukturave.
Para zgjedhjeve të fundit parlamentare, drejtues i Qarkut Gjirokastër të PD u caktua Tritan Shehu, i cili tanimë mbështet lëvizjen e ish-kryeministrit Sali Berisha.
