Dy banorë të Kukësit janë proceduar penalisht në gjendje të lirë për organizmin e protestës së djeshme në pikën kufitare të Morinës.
Protesta ishte kundër vendimit të qeverisë së Kosovës që qytetarët që parashikon se personat që hyjnë në Kosovë duhet të jenë të vaksinuar me 3 dozat e vaksinës ose 2 doza dhe testi PCR. Duke i quajtur barriera këto masa, qytetarët thanë se po pengohet lëvizja e lirë tek familjarët e tyre në Kosovë.
Policia e Kukësit njoftoi nisjen e procedimit penal në gjendje të lirë për veprat penale ‘Organizimi dhe pjesëmarrja në grumbullime e manifestime të paligjshme’ dhe ‘Pengimi i qarkullimit të mjeteve të transportit’, për shtetasit R. M., 64 vjeç dhe M. F., 37 vjeç, banues në Kukës. Ata akuzohen se në PKK Morinë, kanë organizuar protestë pa lejen e organeve kompetente, duke bllokuar lëvizjen e lirë të qarkullimit të mjeteve.
