Në çdo takim të Lulzim Bashës është e vështirë të mos gjesh praninë e personave të lidhur me socialistët apo që militiojnë në Partinë Socialiste, që më pas shfaqen si demokratë nga zyra e Bashës.
Sot Basha zhvilloi një takim me të rinjtë dhe në podium ishin 5 persona, format i zgjedhur nga deputeti demokrat në të gjitha takimet që ka zhvilluar. Njeri prej tyre është identifikuar si Marsid Gupi, i cili kishte rolin e drejtuesit të takimit të Lulzim Bashës me disa studentë.
Por kush është Marsid Gupi?
Nga raportimet mësohet se vëllai i tij punon te zyra e Kadastrës në Tiranë dhe njihet si militant i PS. Gjithashtu, vëllai i tij rezulton të ketë qenë edhe komisioner i PS në zgjedhjet parlamentare të 25 prillit.
Ndoshta vetë Basha nuk i di se kush janë personat që marrin pjesë në takimet e tij, por çuditërisht në çdo takim të deritanishëm, njëri nga ata që ndodhet në podium ose që merr fjalën është socialist, kritik ndër vite i PD ose në rast tjetër një i majtë i moderuar që ka për zemër bashkëqeverisjen Rama-Basha.
