Presidenti Ilir Meta i është përgjigjur me ironi Sekretarit të Përgjithshëm të Partisë Demokratike Gazment Bardhit, duke i thënë se Taulant Ballën e takon para kamerave jo fshehurazi natën.
Meta: Ata që takohen fshehurazi me Balla natën akuzojnë presidentin pse takohet ditën me Balla para kamerave. Duhet të jemi të hapur dhe të sinqertë. Të gjithë në vlerësimin tim donin status quo, përfshirë mazhorancën. Ata e dinin qëndrimin tim që do presim vendimin e GJK. Nuk mund të merrnim vendim para se të vendoste GJK, sepse do të ishte autogol.
Nuk kam bere konsulta me partitë politike për 6 marsin. Kam patur vetëm një takim me Balla. Për te evituar çdo debat dhe polemike me PD-në, e cila bojkotoi zgjedhjet e fundit vendore, bëra zgjedhjen që në takim për zgjedhjet e 6 marsit të thërrisja kreun e grupit parlamentar të PS-së. Asnjë nga palët nuk ka pasur interes që të hy në zgjedhje. Është interesi i qytetarëve tashmë që të zgjedhin në këto 6 bashki dhe të kemi një kryetar i cili do vendosi vetë dhe nuk do varet nga një ministër apo kryetar partie.
