Kryeministri Edi Rama, ashtu siç ka bërë në ditët e fundit, ka postuar një tjetër pyetje në kuadër të “Këshillimit Kombëtar”.
Sot e ka pasur rradhën pyetja numër 6, që kishte të bënte me legalizimin e kanabisit për t’u përdorur si një lloj trajtimi mjekësor, jo për trajtime personale.
Me anë të një postimi në rrjetin social, Rama ka postuar pyetjen dhe u ka kërkuar qytetarëve që të gjithë të thonin mendimin e tyre pa marrë parasysh kahun politik.
Kryeministri Edi Rama gjatë mandatit të parë qeveritar kanabizoi vendin, në përmasa që kurrë nuk ishin vërejtur më parë. E duket se pas kanabizimit, Rama do të mbahet mend edhe si Kryeministri që propozon legalizimin e kanabisit për qëllime mjekësore.
Postimi i Plotë nga kryeministri Edi Rama:
KËSHILLIMI KOMBËTAR / PYETJA 6
Për të ecur më shpejt e për t’u ngjitur lart, kemi nevojë të lëmë pas krahëve llogoret përçarëse të partive dhe të dëgjojmë më shumë njëri-tjetrin! Ju ftoj të gjithëve të jepni opinionin tuaj në këtë proces popullor që zhvillohet për herë të parë dhe është i hapur për çdo shqiptar, kudoqoftë jeton e banon, pavarësisht bindjeve e simpative politike, duke klikuar si vijon
