Përgjatë 1 jave janë infektuar me Covid-19, 13775 qytetarë, ose rreth 2 mijë të infektuar më shumë se java e dytë e janarit.
Gjithashtu ka pasur një rritje sa i takon fataliteteve, ndërsa në javën e 3-të të janarit kanë humbur jetën 28 pacientë.
Dita e martë ka sjellë edhe numrin më të lartë të infektimeve ditore, 2832 të prekur.
Shqipëria po përballet me valën e variantit Omicron, që sipas ekspertëve është mbizotërues. Pritet që edhe në dy javët në vijim të regjistrohen shifra të larta sa i takon infektimeve, ndërsa ekspertët parashikojnë rënien e kurbës së infektimeve në javën e 3 të shkurtit.
