Këngëtarja Adelina Berisha ka folur për herë të parë rreth ngjarjes që ndodhi disa javë më parë, ku shtëpia e saj është grabituar nga persona të paidentifikuar.
Këngëtarja tregoi se ajo dhe familja e saj nuk e kanë përjetuar aspak mirë grabitjen e shtëpisë së saj dhe ka shtuar se dëmi material ka qenë shumë i madh por nuk ka dhënë shifra.
“Ka qenë diçka që nuk e kam përjetuar kurrë. Kur jemi kthyer në shtëpi e kemi parë shtëpinë në një gjendje të tmerrshme dhe nuk e dinim se çfarë po ndodhte. Edhe kur ka ardhur policia kanë shkruar raportin. Ne nuk e dimë se kush e ka bërë. Shumë shpesh po ndodhin raste të tilla. Dëmi ka qenë shumë i madhe, gjërat materiale shkojnë e vijnë. Nuk kemi ndonjë dyshim dhe shpresojmë që policia ta zgjidhë këtë ngjarje”, u shpreh ajo.
