Breshëri automatike në drejtim të një lokali në Shkodër. Ngjarja ka ndodhur në lagjen Skënderbeg, rreth orës 20:40, ku shtetasi Kristian Kroni ka qëlluar në drejtim të lokalit të shtetasit Nikollë Dushaj.
Nuk ka persona të lënduar nga ngjarja dhe policia ka identifikuar e shpallur në kërkim autorin.
Njoftimi nga Policia
Qëlloi me armë zjarri për motive të dobëta në drejtim të një lokali, policia identifikon dhe shpall në kërkim autorin.
Më datë 21.01.2022, rreth orës 20:40, në lagjen Skënderbeg, shtetasi K. K. ,për motive të dobta ka qëlluar me armë zjarri në drejtim të një lokali “Bar-Kafe” në pronësi të shtetasit N. D.
Nga verifikimet paraprake nuk ka persona të lënduar.
Grupi hetimor ndodhet në vendngjarje dhe po vijon punën për sqarimin e rrethanave të ngjarjes.
Shërbimet e Policisë po krehin zonën me qëllim kapjen e autorit.
