Aktorja dhe deputetja Adriana Matoshi, e ftuar në emisionin “Goca dhe Gra”, ka rrëfyer se si u ndjenë prindërit e të dashurit të saj Keith Groeneveld kur morën vesh për lidhjen e tyre me një diferencë shumë të madhe moshe midis njeri-tjetrit.
Adriana tha se ata ishin stepur, për shkak se nuk e prisnin që djali i tyre të kishte një të dashur 20 vite më të vjetër. Megjithatë, ai ndoqi ëndrrat e tij duke ecur përpara. Ajo tregoi gjithashtu se edhe shoqëria e tij nuk ka qenë fillimisht dakord.
“Keith ka mendime ashtu siç unë kam tani, ndoshta është edhe gjenerata e tij që mendon për jetën. Ai mamit dhe babit tim i thotë ‘mami, babi’, ndërsa unë akoma nuk i kam takuar prindërit e tij. Ata janë stepur pak kur e kanë marrë vesh, por ai ka vepruar duke u bazuar në ndjenjat e tij. Edhe shoqëria e tij nuk kanë qenë dakord, ai nuk më ka thënë gjë, por unë e kam kuptuar vetë”– tregoi aktorja Adriana Matoshi.
