Lulzim Basha, i shkarkuar si kryetar i PD nga Kuvendi i 11 dhjetorit, ka zhvilluar një takim në Kurbin me qytetarë të Qarkut të Lezhës. I pranishëm në këtë takim ishte edhe Agron Gjekmarkaj, i emëruar nga Basha si nënkryetar, por edhe si drejtues politik në Qarkun e Lezhës.
Ndërsa hynte në sallën ku ishte organizuar takimi, Basha u prit me protesta nga një grup demokratësh, që e pritën me thirrjet “Basha ik”.
Ky moment shënoi një përplasje mes atyre që shoqëronin Bashën dhe demokratëve protestues. Madje në përplasjen e krijuar ka ndërhyrë edhe policia, e cila duket se po shoqëron çdo takim të Lulzim Bashës.
