Lulzim Basha, i shkarkuar si Kryetar i PD nga Kuvendi i 11 dhjetorit dhe më pas nga referendumi i 18 dhjetorit me votat e rreth 44 mijë anëtarëve, ka nisur takime me qytetarë, të cilvt po i paraqet si pjesa më e shëndoshë dhe më e mirë e demokratëve.
Së fundmi Basha kishte planifikuar një takim në Lezhë, atje ku ka si të deleguar Afron Gjekmarkajn, të emëruar së fundmi si nënkryetar të tij.
Por takimin që do të mbahej në pallatin e Kulturës Basha e ka anuluar, ndërsa ka menduar ta organizojë në Laç, atje ku dy ditë më parë Kryeministri Edi Rama dhe Presidenti turk Rexhep Tajip Erdogan, organizuan një ceremoni pvr dorëzimin e 520 apartamenteve të rindërtuara.
Basha ka ftuar lezhjanët që të udhëtojnë drejt Laçit, por reagimet e tyre janë epike. Komentet janë bërë në faqen e degës së PD në rrjetin social, ku edhe njoftohet anullimi i takimit me Lulzim Bashën.
Në komentet e tyre bëhet ftesë për protestë dhe reagim ndaj kryedemokratit Basha dhe kjo si përgjigje për gazin dhe dhunën e ushtruar ndaj demokratëve në 8 janar tek selia e PD-së në Tiranë.
