Në një intervistë ekskluzive në “Drejt” nga Luan Rama në RTV Ora, ish-kryeministri Sali Berisha u shpreh se Basha është peng i dosjeve Toyota Yaris dhe Nik Muzin, e është peng i aferave me Ramën
Berisha tha se kushdo që do ta paraqesë si përfaqësues të pluralizmit në vend duhet të kuptojë se shqiptarët nuk e pranojnë këtë formë pluralizmi.
Berisha: Basha është peng i dosjeve Toyota Yaris dhe Nik Muzin e është peng i aferave me Ramën, sikurse është ajo e portit të Durrësit. Është peng i parkut të 4 hajdutëve që do të ndërtohet aty ku është selia e PD-së, është peng i shumë çështjeve dhe këtu nuk ka asnjë habi.Kush do ta paraqesë si përfaqësues të pluralizmit në vend? Shqiptarët nuk e pranojnë kurrë këtë gjë sepse kjo nuk është një formë pluralizmi. Shqiptarët do t’i japin përgjigje jo vetëm Bashës, apo edhe pengmarrësit të tij, Ramës. Revolucioni është i pandalshëm.
