Deputeti i PD Dashnor Sula, ka folur për aferën e incineratorëve, ku në lidhje me këtë është arrestuar ish-ministri Lefter Koka.
Në një intervistë për Ora News, se PS po bën të pamundurën që të përfundojë hetimet për këtë aferë ndërsa shton se këmbëngulja e opozitës do të bëjë të mundur që të kemi persona të tjerë para drejtësisë në lidhje me këtë çështje.
Dashnor Sula: Unë nuk do dëshiroja që të ishim në këtë situatë. Shqiptarët e dinë se afera e incineratorëve, është diçka e dukshme dhe e qartë për këdo qytetar, dhe aq më tepër që drejtësia kanë vënë përpara persona si ish-Ministri. Shpreh keqardhjen për PS që po bën të pamundurën për të bllokuar Komisionin Hetimor që mos të kemi një përfundim të këtyre hetimeve. Jam i bindur që këmbëngulja e opozitës do të bëjë të mundur padiskutim që në fund të kemi një produkt që të vihet para drejtësisë.
Ai shton se në këtë aferë do janë të përfshirë disa persona të cilët kanë shkelur ligjin.
Dashnor Sula: Mega afera e incineratorëve nuk është thjesht tek dy ose tre persona të cilët janë arrestuar, aty bëhet fjalë që do të ketë persona të tjerë. Në mënyrë anologe shumë konçesione të tjera duhet të vendosin para përgjegjësisë, ministra apo drejtues të tjerë që kanë pasur përgjegjësi të respektojnë ligjin apo të bëjnë një procedurë siç e kërkojnë ligjet shqiptare.
Ky problem nuk zgjidhet vetëm me denoncimet që bën opozita. E vetmja rrugë është vënia para drejtësisë së shkelësve të ligjit, personave që janë të korruptuar.
Sula thekson se në lidhje me këtë çështje SPAK dhe BKH nuk do të lejojë mazhorancën të ndërhyjë për interesat e saj personale, dhe beson se këto institucione do u shkojnë deri në fund hetimeve.
Dashnor Sula: Përsa i përket SPAK dhe BKH të hetimit kam një bindje pavarësisht tentativave që mund të ketë nga mazhornaca, nuk mund të ndërhyjë për të vendosur sipas interesave të tyre. Qoftë prokuroria dhe gjykatave, numri i prokurorëve është i vogël krahasuar me numrin e çështjeve që do të ndjekin dhe të hetojnë. E rëndësishme është se ka filluar një rrugë drejt pozitive herët a vonë.
