Diego Longo, trajneri i Kukësit, pas humbjes me Dinamon, në Supersport tha: “Kur humb, diçka nuk shkon. Mendoj se në këtë ndeshje mungoi ekuilibri. Humbëm një rast tek për tek, nuk e di si humbet. Kishim mundësi pasi pësuam.
Edhe portieri i Dinamos priti. Nuk dua të them alibi, covid-19 e kështu. Nuk ka asnjë alibi, humbëm. Ishim 11 kundër 11, nuk kam justifikime”.
“Kemi marrë dy lojtarë, por kanë ardhur vonë, Duan kohë, e falënderoj klubin që i mori. Do isha më i lumtur të ishin sot me ne”.
“Dragoshi ka qenë për 10 ditë infektuar, nuk ishte në gjendjen fizike. E aktivizova edhe pse nuk ishte gati. Na ndihmoi. Edhe Daci ka ardhur nga një dëmtim, nuk është gati t’i besoj nga minuta e parë”.
“Goli i pësuar? Nuk është çështje portieri apo mbrojtje, nuk mund ta pësojmë si ekip atë gol. Kur doli Ibraimi ramë në gjumë. Jemi në janar, nuk mund të pësosh gola të tillë. U thashë lojtarëve që duhet ta mbyllnin ndeshjen dhe e patëm rastin”.
