Një person u arrestua në Fier pasi akuzohet se ka tentuat të fusë drogë brenda burgut.
“Në datë 18 janar 2022, rreth orës 15.00, SHKBB u njoftua nga Salla Informacionit IEVP Fier se gjatë kontrollit të ushtruar nga punonjësit e policisë në pakon postare të dërguar nga shtetasi L.Z. për të dënuarin G.Z. (babë e bir), janë konstatuar të kamufluara dhe të mirëfshehura 2 gota plastike, ku në brendësi të tyre u gjendën kokrra të dyshuara të ngjashme me të lëndës narkotike. Menjëherë OPGj i SHKBB-së nën drejtimin e Prokurorisë Fier, në bashkëpunim me Drejtorinë e Policisë Fier dhe me Komisariatin e Policisë Lushnje, u koordinua për kryerjen e veprimeve të para hetimore për dokumentimin ligjor dhe zbardhjen e menjëhershme të ngjarjes. Në bazë të provave dhe fakteve u krye arrestimi në kushtet e flagrancës ndaj shtetasit: L.Z., i dyshuar për kryerjen e veprës penale të ‘Futja ose mbajtja e sendeve të ndaluara në I.E.V.P me Burgim’, ‘Prodhimi dhe shitja e narkotikëve’, të parashikuar nga nenet respektive të 283, 324/a të Kodit Penal”, njoftoi SHKBB.
Materialet procedurale u referuan në Prokurorinë e Rrethit Gjyqësor Fier, shtuan të njëjtat burime.
