A mund të jetë Paulo Dybala një objektiv i Interit? Beppe Marotta foli para ndeshjes Inter-Empoli në mikrofonat e Sport Mediaset:
“Kur një lojtar i asaj vlere i afrohet afatit te skadimit, është normale të afrohesh me top klubet.
Prandaj këto sugjerime janë të përsëritura. Eshte e drejtë të kujtojmë se ne kemi një repart ofensiv me vlerë të madhe, ata janë të gjithë profesionistë që u përgjigjen nevojave tona.
Menaxhmenti duhet të jetë ambicioz në kërkimin e lojtarëve dhe të ngrejë nivelin, nëse qëllimi nuk arrihet nuk ka rëndësi, por tentativat duhen kryer”.
Scamacca dhe Frattesi?
“Unë e përgëzoj Carnevalin për rritjen e talenteve dhe për punën e bërë. Është normale që ka vëmendje, edhe Interi i shikon me vëmendje këto talente. Ne të gjithë punojmë për të forcuar Interin veçanërisht duke parë “made in Italy”. Duhet të njohim edhe meritat e grupit aktual, ka shumë profesionistë të shkëlqyer. Jemi në rrugën e duhur për të krijuar një bërthamë të fortë”.
Rinovimi juaj?
“Nuk kemi agjentë apo avokatë, na duhet vetëm te shihemi ne sy, jemi burra. Jemi të kënaqur me pozicionet tona, jemi të lumtur të vazhdojmë.
Jemi në një klub prestigjioz, rinovimi është automatik, zyrtarizimi do te shpallet nga klubi”.
