Deputeti Gazment Bardhi ka reaguar sot ndaj nisjes së konsultimit nga Presidenti i Republikës, Ilir Meta, lidhur me caktimin e datës për mbajtjen e zgjedhjeve të pjesshme vendore në 6 bashki të vendit. Meta ka propozuar që zgjedhjet të mbahen më 6 mars, ndërsa në takimin me Presidentin nga rradhët e socialistëve ishte kreu i deputetëve të PS, Taulant Balla. Ndërkohë Meta u shpreh se nuk ka ftuar në takim përfaqësues të opozitës, duke ironizuar se “kishte hallin se mos PS bojkotonte zgjedhjet”.
Ndërkohë në reagimin e tij, Bardhi shprehet se qëndrimi i Presidentit nuk habit askënd.
“Asnjë habi nga qëndrimi i sotëm i Ilir Metës! Konsultimet mes trekëndëshit të Bermudës ndodhin çdo ditë, para dhe pas kamerave. Sot ishte teatri i rradhës para kamerave”, shprehet Bardhi.
