Për disa ditë me radhë, në qytetin e Selanikut në Greqi qytetarët dëgjonin një zhurmë të çuditshme që vinte nga nëntoka. Ky fenomen ndodhte në një lagje të Selanikut çdo ditë të muajit të kaluar dhe u aluduan shumë teori.
Shqetësimet e qytetarëve bënë që të viheshin në lëvizje autoritetet vendore. Gjeologu grek Vassilis Melfos thotë se nuk po ndodh asgjë me nëntokën dhe ky nuk është fenomen natyror.
“Tingulli vjen nga një rrugë specifike ku ka tuba uji dhe gazi natyror. Hamendësoj se mund të shkaktohet nga rënia e presionit të ujit gjatë natës”, tha ai.
Ndërsa kryebashkiaku i Selanikut Dimitris Demourtzidis u shpreh se kompania e gazit natyror ka verifikuar dhe ka kontrolluar tubacionet, e nuk ka gjetur asgjë të pazakontë.
Kështu që zgjidhja e misterit tashmë i mbetet ujësjellësit të Selanikut, raporton Kathimerini.
“Mendoj se problemi është me tubacionin e ujit sepse zhurma që dëgjojmë është e njëjtë me atë të rezervuarit. Njerëzit janë ende të shqetësuar. Një fenomen gjeologjik është përjashtuar, çka do të thotë se e dimë që nuk është asgjë e rrezikshme”, theksoi kryebashkiaku.
Lexo edhe:
VIDEO/ Një zhurmë e çuditshme vjen nga nëntoka, banorët e Selanikut dalin nga shtëpitë
