Një 27-vjeçar është arrestuar nga policia në Durrës pasi akuzohet për veprën penale “Vjedhje”.
Sipas uniformave blu, shtetasi me inicialet Xh.K., 27 vjeç është kapur nga policia, në orët e vona të mbrëmjes së djeshme duke tentuar të hyjë të vjedhë në ambientet e brendshme të Bashkisë së Durrësit.
“Specialistët për Hetimin e Krimit në Komisariatin e Policisë Durrës arrestuan në flagrancë për veprën penale “Vjedhja” mbetur në tentativë, shtetasin Xh. K., 27 vjeç, banues në Durrës. Ky shtetas është kapur në flagrancë nga shërbimet e Policisë, në orët e vona të mbrëmjes së djeshme, duke tentuar të hyjë për të vjedhur në ambientet e bashkisë Durrës. Materialet i kaluan Prokurorisë, për veprime të mëtejshme”, njofton policia.
