Shpëtim Duro ishte i ftuar në emision “Sport News” me gazetaren Enxhi Biba. Ai foli për tregun e transferimeve në Superiore, ku u ndal edhe te skuadra e Partizanit.
“Partizani e ka pasur potencialin dhe në fazën e parë, por nuk ka marrë rezultatet e duhura. Ndryshimet janë të pashmangshme kur nuk merr rezultate. Për sa i përket Partizanit, periudhe e janarit është e vështirë përsa i përket lojtarëve të lirë. Partizani ka marra disa futbollistë që njihen në tregun shqiptar.”
“Rikthimi i Bitrit që ka kontribuar sezoni e kaluar. Është futbollist që ka luajtur mirë. Kallaku i huazuar, që dihen vlerat e tij. Ka marrë dhe Skukën, një futbollist interesant. Njihet në tregun shqiptar. Një futbollist që Partizani ata pozicion nuk ka pasur lojtarë që kanë bërë mirë.”
Fitorja e Partizanit– Unë kam thënë që Partizani duhet të bënte ndryshim më parë, jo se trajneri është i keq por për rezultate e dobëta. Kam thënë që trajneri duhej të largohej më parë dhe u gjet ky moment. Kjo fitore ishte shumë pozitive. Ndikon mirë kjo fitore në transfertë. Jep impakt për ekipin dhe për trajnerin si debututes. Në pjesën e parë nuk luajtën mirë, por pas shënimit me Malaj që ishte lojtari më I mirë, u bë e thjeshtë më pas. Një fitore shumë e rëndësishme për ecurinë. Duhet të shohim në vazhdim.
Kalendari i Partizanit- Nuk ka kalendar të lehtë. Do ketë vështirësi ndaj Kastriotit. Partizani është favorit, por duhet të jetë shumë kujdesshëm. Diferenca me kryesuesit është shumë larg. Duhet të fitojë çdo ndeshje që të pretendoj 3 vendet e para. Objektiv kryesor momental është kupa.
