Më 24 mars Italia do të luajë në stadiumin e Palermos kundër Maqedonisë së Veriut “play off”-in e parë drejt Botërorit të Katarit.
Plot 10 “Axurrë” rrezikonin skualifikimin për shkak kartonësh, por FIFA ka vendosur t’u vijë në ndihmë kombëtareve dhe të anulojë të gjithë kartonët për këtë fazë kualifikuesesh.
Kombëtarja e Italisë është ajo që ka më tepër përfitim pasi ishin plot 10 futbollistët e Mançinit që rrezikonin skualifikimin në rast kartoni kundër maqedonasve.
Barela, Bernardeski, Kielini, Kieza (që e ka mbyllur sezonin për shkak dëmtimi), Donaruma, Insinje, Pelegrini, Pesina, Toloi dhe Tonali mund të marrin frymë lirisht së bashku me trajnerin e tyre, i cili nuk do të ketë zgjedhje të detyruara për shkaqe kartonësh.
