Presidenti turk Rexhep Tajip Erdogan ka mbërritur në aeroportin e Rinasit, atje ku iu rezervua një pritje jo më si Kryetar i një shteti, por si Sulltani që viziton një prej vilajeteve të tij.
Avioni ku ndodhej në bord Erdogan dhe delegacioni që e shoqëron ka zbritur në pistën e aeroportit të Rinasit pak minuta para se ora të shënonte 10:00.
Siç shihet dhe në pamjet e siguruara nga Fax News, Erdogan po pritet nga dhjetra qytetarë, një pjesë e të cilëve thonë se kanë mbërritur nga Shkupi.
Në duar ata mbajnë flamuj dhe foto të Erdogan.
Në Rinas, është organizuar edhe pritja me bandën frymore dhe atë të shtetit.
Ndërkohë që në aeroport ka një prani të madhe të punonjësve të policisë, gardës, dhe efektivë të RENEA-s të cilat do të kujdesen për sigurinë e presidentit turk.
