Policia e Elbasanit ka bastisur disa ditë më parë me urdhër të SPAK zyrat e firmës “Vëllezërit Hysa” e cila merret me ndërtimin e rrugëve.
Një burim zyrtar i tha ABC se kontrolli është bërë me kërkesë të SPAK, i cili ka nisur një hetim në lidhje me këtë firmë.
Firma “Vëllezërit Hysa” ka qenë edhe me parë e hetuar për disa vepra madhore që jane kryer në territorin e Shqipërisë, madje administratori i kësaj firme ka qenë edhe i arrestuar kohë më parë me abuzimet e asaj kohe me investimin e kryer Elbasan-Gjinar.
Po i njëjti burim tha se nga zyrat e kësaj kompanie janë sekuestruar një numër i madh dokumentacioni qe ka të bëjë kryesisht me investime që arrin miliona euro.
