Modelja Oriola Marashi dhe reperi Noizy kanë patur miqësi shumë të mirë me njeri-tjetrin, por u duk sikur marrëdhënia e tyre u kris në vitin 2019. Ata nuk u panë më bashkë, nuk ndiqenin më në rrjete sociale dhe fshinë të gjitha fotot që kishin publikuar me njeri-tjetrin.
Së fundmi, Noizy i ftuar në emisionin “Why Not” ka folur për modelen, duke e konsideruar atë një vajzë fantastike.
“Oriolën e kam shumë përzemër. Po të ishte çun, do të ishte shoku im më i ngushtë. Është goc fantastike, zemrën që ka Oriola, nuk e ka asnjë vajzë tjetër deri sot. Është shumë easygoing, e ke për çfarëdolloj gjëje, çfarëdolloj problemi, çfarëdolloj halli. Mund ta marësh në telefon, të bisedosh me të.
Me Oriolën nuk kemi ndejt pak, kemi ndejt non-stop, grumbull, në studio, në shtëpi, udhëtonim bashkë, është gango.”
Ai tha se sipas tij, është ‘modelja më e mirë që ka patur ndonjëherë Shqipëria’.
Kjo intervistë nuk ka kaluar pa u parë nga Oriola e cila e ka postuar videon në llogarinë e saj të “Instagram” duke shkruar: “Ke qenë gjithë një nga mbështetësit e mi më të mëdhenj. Më i miri i të mirëve”
