Lulzim Basha në Fier u prit me protestat e demokratëve, të cilët me pankartat që mbanin në duar e konsideronin atë si “non grata” dhe një kryetar të shkarkuar me votat e mbi 4400 delegatëve dhe mbi 43 mijë anëtarëve të PD, në referendumin e 18 dhjetorit 2021.
Për të siguruar vizitën dhe takimin e Bashës janë angazhuar edhe Forcat e Ndërhyrjes së Shpejtë, që kanë provokuar demokratët protestues.
Por video e mëposhtme, e emetuar nga Fax News, tregon një moment ku shihet vëllai i kreut të PD në Fier, Agron Kapllanajt, i emëruar nga Lulzim Basha në këtë funksion, duke u përplasur me protestuesit që kundërshtonin mbërritjen e Lulzim Bashës.
