Mattei Bassetti, kreu i Shërbimit të Sëmundjeve Infektive në spitalin San Martino në Genoa, shprehet se pandemia mund të përfundojë në prill ose maj.
Mediat italiane shkruajnë se në fund të prillit ose majit njerëzit nuk do të kenë nevojë të mbajnë më maskat.
Bassetti parashikoi gjithashtu se “deri në fund të pranverës, 95% e popullsisë së vendit do të jetë vaksinuar dhe më shumë se 50% e italianëve do të kenë kaluar virusin”.
Numri i viktimave nga koronavirusi vazhdon të shënojë rritje në Itali. Dje në Itali u regjistruan 313 viktima dhe 196.224 raste.
Për herë të parë pas disa ditësh, numri i të shtruarve në njësitë e kujdesit intensiv ka shënuar rënie. Gjithsej, 17309 pacientë me koronavirus janë të shtruar në spital.
