Komiteti Teknik i Ekspertëve do të mblidhet sot në 10:30 për vlerësimin e situatës epidemiologjike në vend nga Covid 19.
Pas festave të fundvitit, rastet e infeksionit kanë njohur një rritje të konsiderueshme.
Një ditë më parë Ministria e Shëndetësisë raportoi për gjashtë viktima dhe 1905 raste të reja me Covid-19.
Kryeson Tirana me 823 raste të reja, e ndjekur nga Durrësi me 100, 77 në Elbasan dhe 74 në Vlorë.
Aktualisht në spitalet COVID po marrin trajtim 117 pacientë, nga të cilët 17 janë në gjendje më të rënduar.
