Një aksident i rëndë automobilistik ka ndodhur sot në Kukës, ku për pasojë ka humbur jetën një 30-vjeçar.
Mësohet se nga aksidenti ka humbur jetën shtetasi Sadri Duraku. Policia informoi se Duraku ishte duke ecur me biçikletë, kur është përplasur nga një 47-vjeçar me makinë.
Aksidenti ka ndodhur në vendin e quajtur “Ura Gjashtë-metroshe”. I riu ka humbur jetën në vendngjarje.
Një faqe që shpërndan lajme nga rajoni i Kukësit ka publikuar foto të të riut, ndërsa shpreh ngushëllime për humbjen e jetës së tij.
Postimi i faqes “News Kukësi News”:
Aksidenti i pak orëve më parë ishte fatal duke i marrë jetën këtij djali Kuksjan Sadri Durakut 31 vjeç .
Sadriu po lëviste me biçikletë ku u përpals nga një automjet.
Ngushëllime Familjes Duraku !
