Sulmuesi i kombëtares shqiptare, Armando Broja, shënoi golin e 3-1 në sfidën e fundit kundër Brentford. Ky gol i dhuroi 20-vjeçarit një tjetër rekord në historinë e Premier Ligës.
Sërish faqja e specializuar “Opta”, ka nxjerrë një tjetër statistikë të shqiptarit. Broja është lojtari më i ri në historinë e Premier Ligës që shënon në katër sfidat e para që starton si titullar dhe i pari që e bën këtë që nga Diego Kosta me Çelsin në vitin 2014.
Sulmuesi i kombëtares tonë, me statistikat e tij, është duke arritur majat më të larta të futbollit anglez.
