O Yeong-Su, apo siç njihet ndryshe si lojtari “001” në serialin e famshëm “Squid Game”, ka arritur një sukses të jashtëzakonshëm dhe një famë të menjëherëshme pas mjeshtërisë në aktrimin e tij.
Ai bëri histori duke u shpallur i pari korean “Aktori më i Mirë në Rol Mbështetës” në “Golden Globes 2022”.
Pas gjithë këtyre arritjeve, aktori 77-vjeçar ka nxitur kuriozitetin e fansave të tij të cilët duan të dinë më shumë rreth tij, por ai i ka refuzuar të gjitha intervistat për një arsye të thjeshtë.
Aktori u përgjigj për mediat: “Nuk mundem, sepse kam një shfaqje në teatër nesër”.
Shumë njerëz në internet po e duartrokasin përgjigjen e tij dhe përkushtimin ende tek puna e jo tek fama, në këtë moshë që është.
Ai është shprehur se nuk ka asnjë menaxher, dhe, edhe pse vazhdimisht i bëjnë kërkesa për reklamë, ai ka thënë se do t’i marrë gjërat shtruar.
“Shumë njerëz më kanë kontaktuar dhe për shkak se nuk kam një menaxher që të më ndihmojë, është e vështirë për mua të përballoj volumin e telefonatave dhe mesazheve që kam marrë. Kështu që vajza ime më ka ndihmuar”.
