Ende nuk ka asnjë shenjë për trupin e Tofik Xhikës, i cili rezulton i zhdukur prej 16 ditësh.
Ditën e sotme një njësi e polumbarëve dhe e forcave special RENEA kanë kryer zhytje dhe kërkime në ujrat e lumit Drin.
Mësohet se polumbarët vazhdojnë kërkimet në ujërat e ftohta të lumit Drin, dhe pse kanë kaluar 16 ditë nga dita kur mendohet se është mbytur.
Kujtojmë se Tofik Xhika humbi kontaktet me familjen e tij më 27 dhjetor.
Kanë qenë banorët e fshatit Fushë-Alie që kanë kërkuar fillimisht ndihmën e policisë pas denoncimit se 47-vjeçari kishte humbur kontaktet me familjen.
Ai është parë për herë të fundit në vendin e quajtur ‘Rrethas’, buzë lumit Drini i Zi, aty ku dyshohet se ishte duke peshkuar.
