Një aksident me një person të plagosur ka ndodhur këtë të Martë në kryeqytet.
Policia njoftoi se në rrugën e “Barrikadave”, mjeti me drejtues shtetasin K.B., ka aksidentuar motomjetin me drejtues shtetasin A.B., 43 vjeç.
Si pasojë e aksidentit, A.B. është dëmtuar dhe ndodhet në spital, nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit, shtuan të njëjtat burime.
