Në këto gjashtë muaj të fundit, Kylian Mbappe do të duhet që t’i japë zgjidhje një dileme të madhe. Ai ende nuk e ka vendosur të ardhmen e tij, me Real Madridin që po bën gjithçka që ta bindë sulmuesin francez që të transferohet në “Santiago Bernabeu”.
Por sipas gazetës franceze “Le Parisien” sulmuesi 22-vjeçar mund të befasojë me vendimin e tij dhe të rinovojë me PSG-në. Futbollisti i kombëtares franceze po e mendon mundësinë që të vazhdojë t’i përkushtohet gjigandëve francezë.
Edhe pse Mbappe e ka pasur në dëshirë të hershme që të veshë fanellën e Realit, ëndrra e tij mund të shtyhet për më vonë. Mbappe ka realizuar 13 gola në 24 takine me parisienët në këtë sezon.
Trajneri Carlo Ancelotti ka një projekt për rindërtimin e “galaktikëve”, ku francezi do të ketë një rol kryesor. Mosardhja e tij, do të jetë një goditje e fortë për planet afatgjata të teknikut italian.
