Historia e Arbër Likaj ndryshon kur flitet për rastet e dhjetëra personave që kanë shkuar nga Afrika dhe Europa Lindore në Argjentinë për të trafikuar kokainë të cilësisë së lartë dhe lëndë të tjera narkotike. Gjatë viteve të fundit, burra të ndryshëm, shumica të kombësisë nigeriane, gjoja të dedikuar ndaj biznesit të batanijeve, janë strehuar në Buenos Aires, por janë zbuluar se kanë pasur qëllim shitjen e drogës.
Likaj është ndryshe nga të tjerët. Shqiptari me origjinë nga Elbasani, është zhvendosur në fund të kësaj dekade në një apartament në Buenos Aires. Ai qëndronte së bashku me disa bashkatdhetarë të tjerë dhe është parë në disko me shoqërinë e disa femrave. Arbër Likaj ka pretenduar se është inxhinier kompjuterik.
Megjithatë për këtë aktivitet, Likaj nuk ishte regjistruar si punonjës. Dhe kjo në fakt kupton që ai kishte shkuar në Buenos Aires për një qëllim tjetër. Likaj u shpall në kërkim pas një rasti kriminal në vitin 2013. Ai akuzohej se ishte “truri” pas tentativës për të trafikuar kokainë nga Athina në Romë. Një sasi prej 11 kilogramësh kokainë të zbuluara në Maj dhe Qershor të atij viti në aeroportin e Ezeiza.
Por historia e Arbër Likajt do të merrte fund në vitin 2021. Ai u kap dhe u dënua më 26 Shkurt pasi pranoi fajësinë dhe u dënua me gjykim të shkurtuar. Dënimi: 4 vjet e 10 muaj.
Por sot, Arbri kërkon që të shkojë në shtëpi. Ai ka bërë një kërkesë para Ministrisë së Drejtësisë në Argjentinë për të kërkuar që ta vuajë dënimin në Shqipëri. Në ligjin argjentinas ka një hapësirë ku mund të lejohet që një i dënuar të vuajë dënimin në vendin e tij të origjinës, me kushtin që të mos kthehet më. Por gjykata e ka rrëzuar këtë kërkesë, ku në fakt pretendimet e Likajt ishin me të vërtetë dramatike: Bashkëshortja, pra nëna e fëmijëve të tij, ka kancer të avancuar.
Likaj është i martuar në Shqipëri dhe thotë se nga kjo martesë ka 2 fëmijë, të cilët kanë qenë në kujdesin e së ëmës. Por fatkeqësisht gruas i është zbuluar një kancer dhe kërkon trajtim me kimioterapi. Dhe e gjitha kjo ka ndikuar tek familja e tij, jo vetëm tek gruaja, por edhe tek fëmijët e mitur, 7 vjeç dhe 19 muajsh.
Likaj ka thënë se gruaja nuk ka mundësi që të punojë dhe ai mund ta ndihmojë. Shqiptari ka thënë se në atdhe ka pasur një punë në një kompani të madhe që mund ta ndihmojë familjen me para nëse kthehet. Ai ka dhënë një raport mjekësor ku thuhet se e shoqja është e detyruar që të heqë gjirin si pasojë e kancerit. Në një raport tjetër thuhet se djali i tij i vogël përballet me probleme psikologjike si pasojë e situatës.
Por të gjitha këto u refuzuan nga gjykatësi. Ignacio Fornari doli në përfundimin se gruaja dhe fëmijët e Arbrit kanë kujdes të mjaftueshëm në atdhe. Sipas gjykatësit, shqiptari mund të pretendojë largimin e parakohshëm nga Argjentina vetëm në Qershor të vitit 2022.
/Raportim i medias argjentinase infobae/
