Deputeti Lefter Maliqi ka publikuar në rrjetet sociale fotografinë e një prej protestuesve të plagosur këtë të Shtunë, në protestën e zhvilluar në PD. Maliqi shprehet se personi i dhunuar është kryetari i grupseksionit 6 në Tiranë, të Partisë Demokratike.
Ai bën apel që protesta e radhës të zhvillohet para kryeministrisë.
“Protesta e radhes duhet para Kryeministrise, demokracia ne rrezik, Rama-Luli vellezer diktator kunder pluralizmit per shuarjen e opozites. Skandal, turp, krim, veper e rende penale nga Lul pengu, me banditet e vet dhunon kryetarin e grupseksionit nr 6 ne Tirane te Partise Demokratike”, shkruan Maliqi në një postim në rrjetet sociale
“Luli patericë e Rames me mbrojtje te policise se Rames kujton se do mbaj peng shtepin e demokrateve, kujton se do mbaj peng demokracine dhe pluralizmin politik, fundi i Lul pengut ka lidhje me fundin e narkoshtetit te Rames. Uragani popullor s’ndalet, revolucioni demokratik do triumfoj”, shton ai.
