Greqia ka regjistruar një tjetër rekord lidhur me rastet e reja Covid në 24 orët e fundit.
Sipas raportimeve zyrtare, janë konfirmuar të infektuar me Covid, 29334 raste të reja dhe 78 persona kanë humbur jetën.
Ndërkohë vijojnë të jenë në gjendje të rëndë në spital 632 persona mes të cilëve 58.1 % janë meshkuj dhe mosha mesatare e tyre është 64 vjeç.
Nga pacientët e intubuar, 538 (85.13%) janë të pavaksinuar ose pjesërisht të vaksinuar dhe 94 (14.87%) janë plotësisht të vaksinuar.
Nga fillimi i pandemisë e deri më tani numri i personave të infektuar me Covid është 1451354 qytetarë mes të cilëve kanë humbur jetën 21 263 pacientë.
