Bayern Munchen nuk e ka filluar mirë vitin 2022, ndërsa u mposht me rezultatin 1:2 nga Monchengladbach në stadiumin “Allianz Arena” në Munih.
Tre gola u shënuan në 45 minutat e parë.
Monchengladbach përmbysi epërsinë e kampionit në fuqi dhe liderit të Bundesliga I.
Në minutën e 18-të, Lewandowski kaloi në epërsi bavarezët pas asistimit të Mullerit.
Por, Monchengladbach shumë shpejt morri veten dhe barazoi rezultatin.
Neuhaus shënon për 1:1 në minutën e 27-të dhe pas katër minutave (31’) Lainer ia siguroi fitoren (1:2) Monchengladbach.
Statistikat anuan totalisht nga ana e Bayern Munich por nuk arritën të përmbysnin rezultatin ose të paktën të barazonin
Futbollisti i talentuar nga Kosova, Arijon Ibrahimoviç, i cili nuk është më shumë se 16 vjeç, qëndroi në bankën e Bayernit.
Pas javës së 18-të, Bayerni kryeson me 43 pikë e Monchengladbach është i 11-ti me 22.
