Teksa shifrat e Covid-19 rriten çdo ditë, mjeku imunolog, Genc Sulçebe ka thënë se varianti i ri Omicron i cili prej dy javësh po qarkullon edhe në vendin tonë, ka simptoma më të lehta.
Gjatë një interviste, Sulçebe tha se ky variant ka më shumë ngjashmëri me gripin sezonal.
Imunologu thotë se varianti i ri i Omicron, ka një përhapje shumë të madhe, duke sjell edhe shumë riinfektime të atyre që e kanë kaluar më parë koronavirusin.
Sipas tij, rastet e infektimit nga Covid-19 dhe nga gripi sezonal, ose flurona nuk janë shqetësuese dhe kjo tregon se Sars Cov 2 po bëhet më i ngjashëm me gripin dhe po humbet agresivitetin.
